سياسة الخصوصية

آخر تحديث: ٤ نوفمبر ٢٠٢٦

نحترم خصوصيتك. هذي السياسة توضح وش البيانات اللي نجمعها، وليش، وكيف نتعامل معها، وحقوقك فيها، وفق نظام حماية البيانات الشخصية في المملكة العربية السعودية. الجهة المسؤولة عن بياناتك هي Penguin Academy، وتقدر تتواصل معنا بخصوص بياناتك على mypenguinacademy@gmail.com.

وش نجمع

بيانات الحساب: اسمك، إيميلك، وتخصصك.
بيانات المذاكرة: إجاباتك على الأسئلة وتقدّمك في الفصول.
بيانات الاشتراك: رقم عملية الدفع وتاريخها ومبلغها ومدة اشتراكك.
بيانات تقنية بسيطة: ملفات تعريف الارتباط (الكوكيز) الضرورية لتسجيل دخولك، وإعداداتك مثل الوضع الداكن والصوت.

وش ما نجمع

بيانات البطاقة. الدفع كله يتم عند بوابة الدفع المرخّصة، وما توصلنا أرقام بطاقتك أبدًا.
ما نستخدم كوكيز إعلانية أو تتبّع لأغراض تسويقية.

ليش نجمعها

عشان ننشئ حسابك ونسجّل دخولك.
عشان نحفظ تقدّمك ونرجّع لك أخطاءك وتكمّل من حيث وقفت.
عشان نفعّل اشتراكك ونتأكد من الدفع.
عشان نتواصل معك بخصوص حسابك أو اشتراكك أو طلبات الدعم.

ما نستخدم بياناتك لأي غرض غير هذي الأغراض إلا بموافقتك، وما نبيعها لأي جهة.

كيف نجمعها

نجمع البيانات منك مباشرة لما تسجّل أو تحل الأسئلة أو تشترك، ومن بوابة الدفع عند تأكيد العملية.

مع مين نشاركها

مزوّدي الخدمات التقنية اللي نحتاجهم لتشغيل الموقع واستضافة البيانات، وبوابة الدفع لإتمام عمليات الدفع، وبالقدر اللازم فقط.
الجهات الرسمية إذا طلب النظام ذلك.

نقل البيانات خارج المملكة

بعض مزوّدي الخدمات التقنية اللي نستخدمهم ممكن يعالجون البيانات على خوادم خارج المملكة. في هذي الحالة ننقل الحد الأدنى اللازم من البيانات فقط، وفق نظام حماية البيانات الشخصية ولائحة نقل البيانات الشخصية إلى خارج المملكة، ومع ضمانات مناسبة لحمايتها.

كيف نحميها

نستخدم اتصال مشفّر، وصلاحيات وصول تخلي كل مستخدم يشوف بياناته بس، وما يوصل لبيانات الدفع غير الخادم الآمن.

كم نحتفظ فيها، وكيف نتلفها

نحتفظ ببيانات حسابك ومذاكرتك طول ما حسابك موجود.
إذا حذفت حسابك، نتلف بياناتك الشخصية خلال ٣٠ يوم بحذفها نهائيًا من قواعد البيانات.
سجلات العمليات المالية نحتفظ فيها المدة اللي تفرضها الأنظمة، وبعدها نتلفها.

حقوقك

حق العلم: تعرف وش البيانات اللي نجمعها وليش، وهذا الغرض من هذي الصفحة.
حق الوصول: تطلب الاطلاع على بياناتك اللي عندنا.
حق الحصول على نسخة: تطلب نسخة من بياناتك بصيغة واضحة ومقروءة.
حق التصحيح: تطلب تصحيح أو تحديث أي بيانات غلط أو ناقصة.
حق الإتلاف: تطلب حذف بياناتك إذا ما عاد فيه حاجة لها، أو بحذف حسابك.
حق الرجوع عن الموافقة: تقدر ترجع عن موافقتك على معالجة بياناتك في أي وقت.

كيف تستخدم حقوقك

راسلنا على mypenguinacademy@gmail.com من إيميلك المسجّل واذكر طلبك. نرد عليك خلال ٣٠ يوم كحد أقصى.

الشكاوى

إذا شفت إننا ما تعاملنا مع بياناتك أو طلبك بالشكل الصحيح، يحق لك تقدّم شكوى للهيئة السعودية للبيانات والذكاء الاصطناعي (سدايا).

تحديث السياسة

ممكن نحدّث هذي السياسة، ونكتب تاريخ آخر تحديث أعلى الصفحة. التغييرات الجوهرية نبلغك فيها بالإيميل أو داخل الموقع.